KITUO CHA BIASHARA KONGWA (OSBC) ni ofisi ambapo huduma mbalimbali za usajili wa biashara zinatolewa. Wateja wanaweza kupata mahitaji yao yote ya kibiashara kwa kituo kimoja tu. Kituo hiki kimejengwa mwaka 2015 kwa ufadhili wa Mradi wa Uboreshaji Mazingira ya Biashara (LIC) na shughuli zake rasmi mwaka 2016.
Lengo kuu la Kituo hiki (OSBC) ni kuwarahisishia wateja (wajasiriamali/wafanyabiashara) upataji wa huduma za kusajiri, kulipia na kupata leseni za biashara katika kituo kimoja, badala ya kuendesha au kutembea maeneo mbalimbali ya huduma hizo katika makao makuu ya wilaya na nje ya wilaya.
MKAKATI WA KITUO
Tuchukua muda wetu kukusikiliza wewe mteja na kutoa maelekezo au ushauri mbalimbali kuhusu njia mbadala za biashara halisia. Katika Kituo cha Biashara Kongwa tutakupa muongozo wa hatua kwa hatua katika kusajiri biashara yako, namna ya kulipa kodi pamoja na masuala mengine ya kibiashara. Aidha, tunajadiliana nawe kuhusu;
Kwa nini umechagua kuanzisha hiyo biashara?
Itakugharimu kiasi gani kuanzisha kampuni ndani ya Kongwa?
Ni aina ipi ya biashara unalenga kuanzisha?
Ni mipango ipi uliyonayo kuhakikisha kwamba biashara yako itakua kwa baadaye?
MAENEO YA UWEKEZAJI
Kuwa na mahali pa kuendesha na kufanyia maamuzi ya biashara ni muhimu sana hususani unapoanzisha biashara yako.
Hii ndiyo sababu Kituo cha Biashara kimekuja, hivyo, tutakupatia maelekezo kuhusu maeneo ya uwekezaji yaliyopo Wilayani Kongwa kulingana na umuhimu wake.
Kituo cha Biashara Kongwa (OSBC) kinajibidiisha katika kuwezesha kuanzisha na kuendesha biashara ndani ya Wilaya ya Kongwa.
HUDUMA ZITOLEWAZO Kituo cha Biashara Kongwa (Kongwa OSBC) kinaendeleza, kinasimamia na kukuunganisha na Halmashauri, Serikali pamoja na mashirika yasiyo ya kiserikali ndani ya Kongwa kwa ajili yako. Kituo kinatoa huduma mbalimbali ikihusisha:
Kuhuisha Leseni ya Biashara na Utawala
Kukuunganisha na Mfumo wa Usajili wa kampuni (BRELA) na Utawala
Usajili wa Namba ya Utambulisho ya Mlipakodi (TIN)
Huduma za ukalimani Kiingereza kwenda Kiswahili (Kiswahili kwenda Kiingereza)
Pia tunatoa huduma za ziada ambazo zina manufaa kwa Halmashauri na Serikali ya Tanzania kama vile Anuani, na Muhuri wa Halmashauri, n.k.
USHAURI WA KIUONGOZI Timu ya Kituo cha Biashara Kongwa inafanyakazi kwa ukaribu na wateja katika kutatua changamoto mbalimbali na masuala ya kimkakati. Tunatoa utatuzi wa nguvu na wa kipekee kusaidia kampuni na wafanyabiashara kutatua changamoto za ukuaji wa biashara zao kwa mafanikio. Huduma zetu zimepangiliwa kwa kila mteja binafsi.
Mgawanyo wa kazi wa Kituo umegawanyika katika kumsaidia wateja kwa kutoa huduma zifuatazo:
Ushauri wa kibiashara;
Taarifa za mabadiliko ya mara kwa mara ya hatua za kufuata au miongozo ya Serikali/Halmashauri;
Bill za huduma mbalimbali, kodi/tozo;
Risiti za Halmashauri kuhusu malipo yalipwayo kwa Halmashauri
Masuala ya Afya na Mazingira;
Masuala ya Ardhi;
Huduma za Kibenki (NMB);
Huduma za Mamlaka ya Mapato Tanzania (TRA)
Huduma za mtandao wa internet kwa wateja wanaohitaji taarifa kuhusu masuala ya uwekezaji Kongwa.
Kwa kushirikiana na Kituo cha Biashara Kongwa utafurahia njia za ubunifu wetu pamoja na ukalimu wa timu yetu katika kutoa huduma za kimalengo na kanuni za kiutendaji zenye ufanisi kusaidia kupata mahitaji yako ya biashara/uwekezaji.
JUKUMU LETU KWAKO Tunatoa huduma za kitaalam, kiufanisi na rafiki zilizobuniwa na kupangiliwa kwa mahitaji ya wateja. Kila mteja wetu anapangiwa Afisa atakeyekuwapo na kuhusika kumsaidia, kujibu swali lolote na kumshauri mteja pamoja na kumjuza namna ya kufuata maelekezo yaliyotolewa.
